കവിത:
കരളില്‍ നിന്നും
വിരലിലൂടൊരു
വരിയായൊഴുകി
പുഴയായൊടുവില്‍
സാഗരമായതു കവിത
ജീവിതം:
"ജനിച്ചു, ജീവിച്ചു, മരിച്ചു"
ഒരു വരിയിലൊരു
ജീവിതം
കടല്‍:
പെണ്ണായതിനാലാവാം,
ഇളകിച്ചിരിക്കുമ്പോഴും
കടലിലിത്ര കണ്ണുനീര്‍
നീളം:
തലവരയുടെ
നീളമളക്കാന്‍
ടേപ്പുണ്ടാരുടെ
കയ്യില്‍?
കള്ളം:
‘കള്ള’ മെന്ന
രണ്ടക്ഷരത്തിന്നുള്ളില്‍
എത്രയെല്ലാ-
മൊളിപ്പിച്ചു വച്ചു നാം?
വേനല്‍:
വരണ്ട തണ്ണീര്‍ത്തടങ്ങളെയോര്‍ത്ത്
കണ്ണീര്‍ പൊഴിക്കാതെ,
കണ്ണീര്‍ത്തടങ്ങളും വരളുന്ന
കാലം വരും
ചാനല്‍:
പാടേ തുറക്കുന്നു
ചാനല്‍പ്പെട്ടികള്‍,
പീഡനത്തിന്റെ
പീതവാതായനം
പകല്‍:
പെരുവഴിയിലലസമായ്
വീണു കിടക്കുന്നു,
പകലിന്‍
ചേലാഞ്ചലം.
---
ഗള്‍ഫ് മാധ്യമം (ബഹറിന്‍ എഡിഷന്‍) സര്‍ഗ്ഗവേദിയില്‍
പ്രസിദ്ധീകരിച്ചത് (10/11/2013)
11 അഭിപ്രായങ്ങൾ:
ആശംസകള്‍ .
ചെറുകവിതകള്‍ കൊള്ളാം!
വളരെ വളരെ നന്നായിരിക്കുന്നു - വീഡും പ്രതീഷിക്കുന്നു, ബാബു
എല്ലാ കുട്ടിക്കവിതകളും നന്നായിരിക്കുന്നു. ഏറ്റവും കൂടുതല്‍ ഇഷ്ടമായത് 'വേനല്‍ '
നന്നായിരിക്കുന്നു മോഹന്ജി... പ്രത്യേകിച്ച് ഈ കവിതയിലെ കവിത...!!
മിനി,
അജിത്,
ബാബു,
രാംജി,
ജയന്‍,
- വായനയ്ക്കും, അഭിപ്രായങ്ങള്‍ പങ്കു വച്ചതിനും വളരെ വളരെ നന്ദി.
ആശംസകള്‍, മാഷേ
തത്വചിന്തകൾക്ക് ഇടം ഒളിപ്പിച്ചുവെച്ച ചെറുകവിതകൾ
ശ്രീ,
പ്രദീപ് കുമാര്‍,
- വളരെ വളരെ നന്ദി
വളരെ നന്നായി എല്ലാ കവിതകളും
എല്ലാം ഇഷ്ടമായി. 'കവിത'യും, 'കള്ള'വും പ്രത്യേകിച്ച്.
സന്തോഷവും,സമാധാനവും നിറഞ്ഞ ക്രിസ്തുമസ്സും, പുതുവത്സരവും നേരുന്നു.
ശുഭാശംസകൾ.......
ഒരു അഭിപ്രായം പോസ്റ്റ് ചെയ്യൂ