2012 ഒക്ടോബർ 2, ചൊവ്വാഴ്ച
ഗാന്ധിജിയെ വരയ്ക്കുമ്പോള്
ആദ്യം ഒരു ‘റ’
അതിനുള്ളില് രണ്ട് പൂജ്യങ്ങള്
കീഴോട്ടും വശങ്ങളിലേക്കും
ഈരണ്ടു വരകള്
അര ഭാഗത്ത്
വിലങ്ങനെ ഒരു ചെറിയ വര
താഴെ ഒരു ‘ഡബ്ലീയു’
ഇരു വശങ്ങളില് നിന്നും
താഴോട്ടീരണ്ടു വരകള്
ഒരു വടി
ഇത്ര മാത്രം സരളമായതിനാലാവാം
ലോകത്തിനു മുകളിലൂടെ
നമുക്കു ഗാന്ധിജിയെ
വരയ്ക്കാനാവുന്നത്.
ഇതിനായി സബ്സ്ക്രൈബ് ചെയ്ത:
അഭിപ്രായങ്ങള് (Atom)
